- बिहीबार, ७ साउन, २०८३
काठमाण्डु, १४ असोज-प्रधानमन्त्री केपी ओलीले भारतीय समकक्षी नरेन्द्र मोदीसँग अमेरिकाको न्यूयोर्कमा भएको भेट फलदायी भएको बताएका छन् ।
सोमबार बालुवाटारमा बसेको मन्त्रिपरिषद् बैठकमा ओलीले मोदीसंग राम्रो वातावरणमा कुराकानी भएको जानकारी दिए ।
संयुक्त राष्ट्रसंघको ७९औं महासभामा भागका दौरान न्यूयोर्कमा ओली-मोदी साइडलाइन वार्ता भएको थियो ।
भेटमा ओलीले मोदीसँगको भेटमा दुई देशबीच थप प्रगाढ बनाएर जानेबारे छलफल भएको बताए ।
ओली र समकक्षी मोदीबीच गत ६ असोजमा भेटवार्ता भएको थियो ।
भेटपछि एक्समार्फत तस्बिर साझा गर्दै मोदीले दुई देशबीचको मित्रता धेरै बलियो रहेको र सम्बन्धलाई अझ गति दिन चाहेको बताएका थिए ।
