- बिहीबार, ७ साउन, २०८३
बागलुङ, १४ असोज– सहकारी बचतकर्ताको रकम ठगी गरी भागिरहेकै अवस्थामा पक्राउ परेका एमाले नेता एवं ढोरपाटन नगरपालिकाका
मेयर देवकुमारले जायजेथा बेचेर हिनामिना गरेको बचत फिर्ता गर्ने बताएका छन् । जिल्ला अदालत बागलुङले उनीसँग सोमबार बयान लिएको थियो ।
न्यायाधीश रमेशकान्त अधिकारीको एकल इजलासमा नेपालीले आफूले सहकारीको रकम अपचलन गरेको विषय अस्वीकार गरेनन् ।
नेपालीले सम्पत्ति बेचेर सहकारीको बचत रकम फितौ गर्ने प्रतिबद्धता जनाएको अदालत श्रोतले जनाएको छ ।
नेपाली आफैंले पोखरा र बागलुङमा सञ्चालन गरेको इमेज बचत तथा ऋण सहकारीको २ अर्ब रकम ठगी गरी भागेका थिए ।
नेपालीले सहकारीको बचलत अपचलन सम्बन्धमा छानबिन गर्न गठित संसदीय विषेश समितिमा पत्र पठाउँदै सम्पत्ति बेचेर बचतकर्ताको रकम फिर्ता दिने प्रतिबद्धता जनाएका थिए ।
भारतको नयाँदिल्लीमा कुलेर बसेका उनलाई प्रहरीले पक्राउ गरी नेपाल ल्याएको थियो ।
बयान नसकिएकाले मंगलबार मात्र अदालतले थुनामा राख्ने वा धरौटीमा छाड्ने भन्नेबारे आदेश दिने छ ।
