- बिहीबार, ७ साउन, २०८३
काठमाण्डु, १४ असोज– रामेछापबाट काठमाण्डु हिँडेका दम्पतीलाई काभ्रेको रोशी गाउँपालिका वडा नम्बर–११ स्थित भ्याकुरे खोलाले बगाएको छ ।
खोलाले बगाउँदा पत्नीको मृत्यु भएको छ भने पतिलाई प्रहरीले उद्धार गर्न सफल भएको छ । भ्याकुरे खोलाले बगाउँदा रामेछापको खाँडादेवी गाउँपालिका–३ स्थित डफ्खा घर भएकी ३५ वर्षीया अन्जु बस्नेत माझीको मृत्यु भएको प्रहरीले जानकारी दिएको छ ।
रोशीखोला स्थित माम्ती नजिकै उनको शव भेटिएको इलाका प्रहरी कार्यालय मंगलटारका इन्स्पेक्टर कृष्ण गिरीले जानकारी दिएका छन । अञ्जुका पति शिवराम माझीलाई उद्धार गरेर हेलिकप्टरमार्फत धुलिखेल अस्पताल पठाइएको छ ।
उनीहरू डफ्खास्थित नमुना बस्तीका स्थानीय भएको खुलेको प्रहरीले जानकारी दिएको छ ।
