- सोमबार, २१ असोज, २०८१
काठमाण्डु, २३ भदौ– जाजरकोटमा पहिरो खस्दा वडा सदस्य दम्पती नै बेपत्ता भएको छन । बारेकोट गाउँपालिका–६, धुमामा भन्ने ठाउँमा उक्त वडाका वडा सदस्य ३८ वर्षीय प्रेमकुमारी चलाउने र उनका ४० वर्षीय श्रीमान् मानबहादुर चलाउने पुरिएको जिल्ला प्रहरी कार्यलय जाजरकोटले जानकारी दिएको छ ।
राति घरमाथिबाट आएको पहिरोले चलाउनेको घर पूर्ण रूपमा पुरेको प्रहरीले जानकारी दिएको छ । पहिरोले पुरिएकी उनकी ११ वर्षीय छोरीको भने उद्धार गरेर अस्पताल पठाइएको जिल्ला प्रहरी कार्यालय जाजरकोटका सूचना अधिकारी माधव विश्वकर्माले जानकारी दिएका छन ।
चलाउने दम्पतीको अवस्था अझै अज्ञात रहेको छ । अहिले त्यहाँ प्रहरी र स्थानीयको उपस्थितिमा भत्किएको घर उधिन्ने काम भइरहेको जिल्ला प्रहरी कार्यलय जाजरकोटले जानकारी दिएको छ ।
