- शुक्रबार, ८ साउन, २०८३
नवलपरासी, २२ भदौ– पूर्वी नवलपरासीको गैंडाकोटमा बसले ठक्कर दिँदा हजुरआमा र नाबालक नातिको मृत्यु भएको छ ।
मृत्यु हुनेमा ५५ वर्षीया श्रीमाया मानन्धर र ७ वर्षीय विशाल श्रेष्ठ छन् । स्याङ्जा घर भएकी मानन्धर गैंगाकोट–११ स्थित छोरीको घरमा आएकी थिइन् । मृतक बालक मानन्धरकी छोरीका छोरा (नाति) भएको प्रहरीले जनाएको छ ।
पूर्व–पश्चिम राजमार्गअन्तर्गत गैँडाकोट नगरपालिका–१० भैसाखोरीमा ना७ख २५२५ नम्बरको बसले शुक्रबार राति उनीहरुलाई ठक्कर दिएको थियो । विशालको घटनास्थलमै र श्रीमायाको उपचारका क्रममा भरतपुरस्थित पुरानो मेडिकल कलेजमा मृत्यु भएको हो ।
श्रीमायाको पेट र टाउकोमा गहिरो चोट लागेको थियो । यसैबीच प्रहरीले ठक्कर दिने बस र चालकलाई नियन्त्रणमा लिएको छ ।
