- शनिबार, ९ साउन, २०८३
सर्लाही, १९ भदौ– सर्लाहीको हरिवनमा विषालु सर्पले डसेर युवकको ज्यान गएको छ ।
हरिवन नगरपालिका–८, चापिनी निवासी ३५ वर्षीय सागर आलेमगरको गोमन सर्पले टोकेर मृत्यु भएको हो ।
सोमबार राति शौच गर्न घरबाहिर निस्किएका बेला उनलाई सर्पले डसेको थियो ।
लालबन्दीस्थित सर्पदंश उपचार केन्द्रमा उपचार सम्भव नभएपछि जनकपुर लैजाँदै गर्दा बाटैमा मृत्यु भएको थियो ।
ढिलो गरी उपचारमा लगिएका कारण आलेमगरको मृत्यु भएको चिकित्सकले जनाएका छन् ।
