प्रस्तावित राजदूत तुलाधरको जवाफः सबै पदबाट राजीनामा दिइसकेँ

काठमाण्डु, १६ भदौ– डेनमार्कका लागि प्रस्तावित राजदूत सुम्निमा तुलाधरले राजदूत सिफारिस हुनु अगाडि नै गैर सरकारी संस्था बालमजदुर सरोकार केन्द्र (सिबिन) को सबै पदबाट राजीनामा दिइसकेको बताएकी छन ।

आज आइतबार संसदीय सुनुवाइ समितिको आइतबार बसेको बैठकमा सांसदहरुले प्रस्तावित राजदूत तुलाधरसँग सिबिनसँगको आवद्धतामाथि प्रश्न गरेका थिए ।

जवाफमा तुलाधरले यो प्रश्न अपेक्षित भएको बताइन् । उनले भनिन्, ‘म देशको कानुन र नियम अनुसार नै चल्ने छु, ‘त्यही भएर सिफारिस हुनु अगाडि नै म जुन संस्थामा संलग्न छु, सबै पदबाट राजीनामा दिइसकेको छु ।’ नागरिक समाज एनजीओमा मात्र सीमित नभएको समेत उनले बताएकी छन ।