- शनिबार, ९ साउन, २०८३
रोल्पा, १५ भदौ– रोल्पाको त्रिवेणी गाउँपालिकाबाट आफ्नै आमामाथि बलात्कार गरेको आरोपमा छोरा पक्राउ परेका छन् ।
प्रहरीका अनुसार २९ वर्षीय ती युवकले शुक्रबार राति ५६ वर्षीया आमामाथि बलात्कार गरेका हुन् । रोल्पा प्रहरीका प्रवक्ता प्रहरी निरीक्षक केशवराज बराकोटीले मदिरामत्त छोराले आफूमाथि बलात्कार गरेको घटना महिलाले आफ्नी छोरीलाई भनेकी थिइन् ।
दाजुविरुद्ध उनकी बहिनीले आमामाथि बलात्कार भएको भन्दै प्रहरीमा उजुरी दिएकी छन् । जाहेरीमा घरमा सुतिरहेकी आमालाई मध्यरातमा मुख थुनेर बलात्कार गरेको उल्लेख छ । यद्यपि ती युवकले घटनाबारे आफूलाई केही थाहा नभएको बताएका छन् ।
युवकविरुद्ध हाडनाता करणीअन्तर्गतको कसुरमा मुद्दा दायर गरी अनुसन्धान अघि बढाइएको प्रहरीले जनाएको छ ।
