- शनिबार, ९ साउन, २०८३
काठमाण्डु, ४ भदौ– काठमाण्डु उपत्यकामा हरेक वर्ष गाईजात्रा विशेष हुने गरेको छ । दिवङ्गत आत्मालाई वैतरणी तर्न सजिलो होस् भनेर विशेषगरी नेवार समुदायले गाईलाई नगर परिक्रमा गराउँदै यो पर्व मनाउने गरेका छन ।
काठमाण्डु उपत्यकामा नेवार समुदायको बाहुल्यता भएकाले पनि यहाँ यो पर्व विशेष हुने गर्दछ । आज गाईजात्राको दिन वसन्तपुर र हनुमानढोका क्षेत्रमा यसैगरी गाईजात्रा मनाइएको छ ।
बालबालिकालाई गाईको नक्कल गर्न लगाई नगर परिक्रमा गराउने प्रचलन पनि रहेको छ । साथै, कसैले गाई र कसैले बालबालिकालाई जोगीको भेष वा अनौठो भेषभुषामा नगर परिक्रमा गराउने गर्दछन् ।
