- शनिबार, ९ साउन, २०८३
कैलाली, १ भदौ– कैलालीमा मोटरसाइकलको ठक्करबाट पैदलयात्रीको मृत्यु भएको छ । मृत्यु हुनेमा कैलारी गाउँपालिका–२ बस्ने पैदल यात्री ५५ वर्षीया पार्वती चौधरी रहकी प्रहरीले जानकारी दिएको छ ।
बिहीबार कैलारी गाउँपालिका–५ बैजपुर नजिक हुलाकी सडक खण्डमा से ६ प ३३३१ नम्बरको मोटरसाइकलले ठक्कर दिएको थियो । चौधरी मोटरसाइकलले ठक्कर दिँदा गम्भीर घाइते भएकी थिइन् ।
उनलाई उपचारको लागि निसर्ग अस्पताल धनगढी लगिएकोमा चिकित्सकले चेकजाँच गर्दा मृत्यु घोषणा गरेको जिल्ला प्रहरी कार्यालय कैलालीले जानकारी दिएको छ ।
दुर्घटनामा मोटरसाइकल चालक कैलारी गाउँपालिका–७ बस्ने ४० वर्षीय हरिप्रसाद चौधरी घाइते भएका पनि प्रहरीले जानकारी दिएको छ । घाइते चौधरीको निसर्ग अस्पताल धनगढीमै उपचार भइरहेको छ ।
मोटरसाइकल प्रहरीले नियन्त्रणमा लिई आवश्यक अनुसन्धान गरिरहेको प्रहरीले जानकारी दिएको छ ।
