- शुक्रबार, ४ असोज, २०८१
मकवानपुर, ३१ साउन– मकवानपुरमा श्रीमती हत्यामा संलग्न श्रीमान पक्राउ परेका छन् ।
पक्राउ पर्नेमा कैलाश गाउँपालिका–५ कालीखोलाका २६ वर्षीय मंगलबहादुर पाख्रिन रहेको प्रहरीले जनाएको छ । मंगलले श्रीमती २० वर्षीया लक्ष्मीको हत्या गरेका हुन् ।
प्रहरीलाई दिएको बयानमा उनले लक्ष्मीलाई गत मंगलबार दिउँसो हत्या गरी राति ९ बजेतिर स्थानीय सामुदायिक वनमा शव गाडेको बताएका छन् । बयानका आधारमा गाडीको शव प्रहरीले उत्खनन् गरी पोष्टमार्टमका लागि जिल्ला अस्पताल मकवानपुर पठाएको छ ।
मंगलले बञ्चरो प्रहार गरी शवलाई ११ टुक्रा पारी दुईवटा बोरामा पोको पारेर गाडेको भेटिएको छ ।
मकवानपुर प्रहरीका एसपी सीताराम रिजालले घटनाबारे अनुसन्धान भइरहेको जानकारी दिए । उनका अनुसार मंगलले लक्ष्मीको विभत्स तरिकाले हत्या गरेको देखिएको छ ।
एसपी रिजालका अनुसार डिप्रेशनका बिरामी मंगलबहादुर एक वर्ष वडा कार्यालयको सुधार केन्द्र बसेका थिए । मंगलबहादुर र लक्ष्मीका १३ महिनाकी छोरी छन् ।
