- शुक्रबार, ४ असोज, २०८१
पाल्पा, ३१ साउन– पाल्पा प्रहरीले तीन फरार अभियुक्तलाई पक्राउ गरेको छ ।
पक्राउ पर्नेमा तानसेन नगरपालिका–६ बसर्पाककी ४७ वर्षीया नारायणी राना, तानसेन–३ का ४४ वर्षीय अर्जुन थापा र रामपुर नगरपालिका–५ का २४ वर्षीय अप्सनबहादुर ठकुरी छन् ।
रानालाई जिल्ला अदालत पाल्पाले १४ मंसिर २०८० मा चेकअनादर मुद्दामा एक हजार जरिवानाको फैसला गरेको थियो । तर, उनी त्यसयता फरार थिइन् । थापा सवारी ज्यान मुद्दामा २ जेठ २०८० मा २ महिना ८ दिन कैद सजाय तोकिएपछि फरार थिए ।
ठकुरी २० असार २०८० मा जिल्ला अदालतले अभद्र व्यवहार मुद्धामा ८ हजार जरिवानको फैसला गरेपछि फरार थिए । पाल्पा प्रहरीका निरीक्षक सन्दीप बेल्वासेले तीनै जनालाई सजाय भुक्तानीका लागि अदालत पेश गरिएको बताए ।
