- आइतबार, १० साउन, २०८३
काठमाण्डु, २९ साउन– सप्तरीको शम्भुनाथ नगरपालिका–५ स्थित पूर्व–पश्चिम राजमार्गमा आज बिहान भएको दुर्घटनामा ट्रक चालकको घटनास्थलमा नै मृत्यु भएको छ । मृत्यु हुनेमा मोरङको उर्लाबारी नगरपालिका–१ का २५ वर्षीय सबिन राई रहेको प्रहरीले जानकारी दिएको छ ।
पश्चिमबाट पूर्वतर्फ जाँदै गरेको मधेस प्रदेश ०३–००१ ख ८१८१ नंको क्लिङ्कर लोड भएको १२ चक्के ट्रक दुर्घटना हुँदा सोही ट्रकका चालक राईको मृत्यु भएको प्रहरीले जानकारी दिएको छ ।
शम्भुनाथ–५ स्थित मोहनपुर पुलबाट २० मिटर तल खसेको ट्रकभित्र चालक राईको च्यापिएर घटनास्थलमा नै मृत्यु भएको जिल्ला प्रहरी कार्यालयका प्रहरी नायब उपरीक्षक ढुण्डिराज नेउपानेले जानकारी दिएका छन । शवलाई क्रेन र स्काभेटरको सहयोगमा निकाल्ने कार्य भइरहेको न्यैपानेले बताए ।
