- शुक्रबार, ४ असोज, २०८१
काठमाण्डु, २७ साउन– ट्रकको ठक्करबाट गम्भीर घाइते भएका एक प्रहरी जवानको उपचारका क्रममा मृत्यु भएको छ । मृत्यु हुनेमा सल्यानको प्रहरी चौकी कपुरकोटमा कार्यरत प्रहरी जवान महेन्द्र विकका छन ।
उनी सुर्खेतको भेरीगंगा नगरपालिका वडा नम्बर ९ का हुन्। शनिबार बाँकेको बैजनाथ गाउँपालिका–५ जीगाउँ चोकमा भे १ क २०६२ नम्बरको ट्रकले बा. प्र ०३–००५– प २०५५ नम्बरको मोटरसाइकललाई ठक्कर दिएको प्रहरीले जनाएको छ ।
उक्त मोटरसाइकल विकले चलाएका थिए। दुर्घटनामा अर्का एक जना पनि घाइते छन् । उनको उपचार जारी रहेको प्रहरीले जनाएको छ । गम्भीर घाइते भएका विकको मेडिकल कलेज कोहलपुरमा उपचारका क्रममा मृत्यु भएको जिल्ला प्रहरी कार्यालय बाँकेले जानकारी दिएको छ ।
