- बुधबार, १ जेठ, २०८२
काठमाण्डु, १९ माघ– आईसीसी यू-१९ विश्वकप सुपर सिक्स खेलमा नेपालले भारतविरुद्ध एकै ओभरमा दुई विकेट हात पर्न सफल भएको छ । १४ औं ओभरमा नेपालले भारतका दुई विकेट लिँदै खेलमा फर्किने संकेत गरेको छ ।
तीव्र गतिका बलर आकाश चन्दको १४ औं ओभरको अन्तिम बलमा ओपनर आर्शिन कुलकर्णी आउट साइड एज लागेर विकेटकिपर उत्तम थापामगरबाट क्याच आउट भए । उनले ३० बलमा २ चौका प्रहार गरेका थिए ।
त्यसअघि वाइड हुनु अघि नेपालले १४ औं ओभरको पाँचौं बलमा रन आउटको रुपमा विकेट प्राप्त गरेको थियो । प्रियान्शु मोलियालाई १६ रनमा रन आउट गरेको थियो । दीपक डुम्रेले उत्कृष्ट फिल्डिङ गदै चौका रोक्दै आकाश चन्दलाई बल थ्रो गरेका थिए ।
उक्तक्रममा उनी रन आउट भएका थिए । चौथो रन लिनेक्रममा आर्शिनसँग तालमेल गर्न नसकेपछि रन आउट हुन पुगेका थिए । टस जितेर पहिला ब्याटिङ रोजेको भारतले १५ ओभरमा ३ विकेट गुमाउँदै ६५ रन बनाएको छ । सचिन दास १ र कप्तान उदय शहरान २ रनमा क्रिजमा रहेका छन ।
