- शुक्रबार, २ जेठ, २०८२
काठमाण्डु, १८ भदौ– एसिया कप २०२३ अन्तर्गत नेपालले भारत सामु २३१ रनको लक्ष्य पेस गरेको छ ।
श्रीलंकाको पल्लेकेले मैदानमा टस जितेको भारतले पहिले बलिङ रोजेपछि ब्याटिङ गरेको नेपाल ४८.२ ओभरमा २३० रनमा अलआउटभयो ।
नेपालका लागि ओपनिङ ब्याट्सम्यान आसिफ शेखले अर्धशतक प्रहार गरे । असिफले ९७ बलमा ८ चौकाको मद्दतमा ५८ रन बनाए ।अर्का ओपनर कुशल भुर्तेल ३८ रनमा आउट भए । शार्दूल ठाकुरको बलमा दशौं ओभरको पाँचौ बलमा आउट हुनुअघि उनले २५ बलमा ३चौका र २ छक्का हिर्काए । कप्तान रोहित पौडेल रविन्द्र जडेजाको बलमा ५ रनमा आउट भए । कुशल मल्ल चौथो विकेटको रुपमा २रनमै आउट भए । भीम सार्की ७ रनमा भारतका जडेजाको बलमा १६ ओभरमा बोल्ड भए ।
छैटौं विकेटको रुपमा गुल्सन झा ३५ बलमा ३ चौकाको मद्दतमा २३ रन बनाएर आउट भए । उनले आसिफ शेखसँग पाँचौ विकेटका लागि ३१ रनको साझेदारी गरे ।
दीपेन्द्रसिंह ऐरी र सोमपाल कामीबीच सातौं विकेटका लागि ५० रनको साझेदारी भयो। दीपेन्द्रले हार्दिक पाण्ड्याको एलबिडब्लूकोधरापमा पर्नुअघि २५ बलमा ३ चौकाको मद्दतमा २९ रनको योगदान गरे।
आठौं विकेटको रूपमा आउट हुनुअघि सोमपाल कामीले उत्कृष्ट ब्याटिङ गरे। मोहमद सामीको बलमा ४७.२ ओभरमा आउट हुनुअघिउनले ४८ रन जोडे। सोमपालले ५६ बलमा १ चौका र २ छक्का हिर्काए।
लगत्तै सन्दीप लामिछाने ९ रनमा रनआउट भएका थिए भने अन्तिम विकेटको रुपमा ललित राजवंशी शून्यमा आउट भए।
बलिङमा भारतका जडेजा र मोहमद सिराजले ३–३ विकेट लिए ।
