- आइतबार, २३ भदौ, २०८१
काठमाण्डु, १३ भदौ– प्रधानमन्त्री पुष्पकमल दाहाल ‘प्रचण्ड’ ले एसिया कप क्रिकेट खेल्न पाकिस्तान पुगेको नेपाली राष्ट्रिय क्रिकेट टिमलाई जितको शुभकामना दिएका छन् ।
पाकिस्तानमा रहेको नेपाली टिमका सदस्यहरुसँग बुधबार बिहान भर्चुअल बैठक गरेका उनले जितको शुभकामना दिएको प्रधानमन्त्रीको सचिवालयले जनाएको छ ।
प्रतियोगितामा नेपालले राम्रो नतिजा निकाल्ने विश्वास उनले व्यक्त गरे । प्रचण्डले खेलाडीको हितमा सरकार र व्यक्तिगत रुपमा आफूले सधैं ध्यान दिने प्रतिबद्धता पनि जनाए ।
प्रधानमन्त्रीसँगको कुराकानीमा नेपाली टिमका कप्तान रोहित पौडेलले आफूहरुले राम्रो तयारी गरेको भन्दै जितका लागि अधिकतम प्रयास गर्ने बताए । प्रतियोगितामा नेपालले आज घरेलु टिम पाकिस्तानसँग खेल्दैछ ।
