- सोमबार, २४ भदौ, २०८१
काठमाण्डु, ३२ साउन– प्रधानमन्त्री पुष्पकमल दाहाल प्रचण्ड र सभामुख देवराज घिमिरेबीच शुक्रबार भेटवार्ता भएको छ ।
संसदमा जारी गतिरोध अन्त्य गर्ने विषयमा प्रधानमन्त्री र सभामुखबीच भेटघाट भएको हो ।
तस्करीको ६० केजी सुन पक्राउ परेको प्रकरण छानबिनका लागि उच्चस्तरीय समिति गठनको माग राखेर एमालेले गत १० साउनयता लगातार संघीय संसदका दुवै सभाको बैठक अवरुद्ध गर्दै आएको छ । भेटमा सभामुख घिमिरेले संसद सुचारु गर्न सरकारका तर्फबाट पहल गर्न आग्रह गरेका थिए ।
प्रधानमन्त्रीले पनि सभामुखका हैसियतमा संसदको अवरोध हटाउन पहल गर्न भनेका छन् । यस्तै विषयगत संसदय समितिका सभापति चयनमा भइरहेको ढिलाइबारे समेत दुई बीच कुरा भएको प्रधानमन्त्रीको सचिवालयले जनाएको छ ।
सभापति चयन नहुँदासम्म बैठकमा उपस्थित नहुने अडान राख्दै आएका एमाले र रास्वपाका सांसदले बिहीबार सार्वजनिक लेखा समितिको बैठक बहिस्कार गरेका थिए । कोरम नपुगेपछि बैठक कार्यसूचीमा प्रवेशै नगरी स्थगित भएको थियो ।
