- मंगलबार, २४ असार, २०८२
मकवानपुर, २७ साउन– मकवानपुरको भिमफेदी गाउँपालिका–२ भैंसेमा सुक्खा पहिरासँगै खसेको ढुंगाले लागेर एक प्रहरीको मृत्यु भएको छ ।
मृत्यु हुनेमा प्रहरी जवान कीर्तिबहादुर नेपाली छन् । मकवानपुर प्रहरी प्रवक्ता डिएसपी टेकबहादुर कार्कीका अनुसार २२ वर्षीय नेपाली प्रहरी चौकी भैंसेमा कार्यरत थिए ।
शुक्रबार साँझ पहिरोसँगै झरेको ढुंगा लागेर घाइते भएका उनको हेटौंडा अस्पताल ल्याइएकोमा उपचारका क्रममा मृत्यु भएको कार्कीले जानकारी दिए ।
मृतक नेपालीको स्थायी ठेगाना जाजरकोटको शिवालय नगरपालिका–८ रहेको प्रहरीले जनाएको छ । शव आफन्तको जिम्मा लगाएर आजै जाजरकोट लैजाने तयारी छ ।
