- मंगलबार, २५ भदौ, २०८१
काठमाण्डु, ७ साउन– काठमाण्डुको सोह्रखुट्टेमा आइतबार साँझ मोटरसाइकल दुर्घटना हुँदा एक जनाको मृत्यु भएको छ ।
दुर्घटनामा मोटरसाइकल चालक नुवाकोट बेलकोटगढी नगरपालिका– ९ का २३ वर्षीय शिवसुन्दर गजुरेलको मृत्यु भएको प्रहरीले जनाएको छ ।
उपत्यका ट्राफिक कार्यालयका प्रवक्ता एसएसपी राजेन्द्रप्रसाद भट्टले गजुरेल सवार बा६४प ४९३२ नम्बरको मोटरसाइकल बा४ख ७४११ नम्बरको बससँग ठोक्किएर दुर्घटना भएको बताए ।
उनका अनुसार दुर्घटनामा गम्भीर घाइते भएका गजुरेलको उपचारका क्रममा नयाँबजारस्थित पिपल्स अस्पतालमा मृत्यु भएको हो ।
यसैबीच प्रहरीले ठक्कर दिने बस र चालकलाई नियन्त्रणमा लिएर आवश्यक अनुसन्धान अघि बढाएको छ ।
