प्रधानमन्त्री प्रचण्डसँगको भेटवार्तापछि ओलीले भने– सुदूरपश्चिमको सरकार जोगिन्छ होला

काठमाण्डु,२६ माघ– एमाले अध्यक्ष केपी शर्मा ओलीले एमालेकै नेतृत्वमा रहेको सुदूरपश्चिम प्रदेश सरकार जोगिने आशा व्यक्त गरेका छन् ।

आज (बिहीबार) सिंहदरबारमा नेकपा माओवादी केन्द्रका अध्यक्ष एवं प्रधानमन्त्री पुष्पकमल दाहाल प्रचण्डसँगको छलफलबाट बाहिरिने क्रममा उनले सुदूरपश्चिम सरकारका बारे सोधिएको प्रश्नको उत्तर दिँदै जोगिने बताएका छन ।

सुदूरपश्चिम प्रदेशमा मुख्यमन्त्री राजेन्द्र रावलले बिहीबार नै विश्वासको मत लिने कार्यक्रम छ। उनी मुख्यमन्त्री नियुक्त भएको बिहीबार नै ३० दिन पुग्दैछ।

तर, मुख्यमन्त्रीमा दाबी पेस गर्दा समर्थन गरेको नागरिक उन्मुक्ति पार्टीले विश्वासको मत नदिने निर्णय गरेपछि उनी अप्ठ्यारोमा परेका छन्।