काठमाण्डु, ११ जेठ– नेपाल क्रिकेट संघ (क्यान) ले आगामी असोजमा सञ्चालन गर्न लागेको नेपाल टी–२० लिगमा ६ टिमबीच प्रतिस्पर्धा हुने भएको छ।
क्यानको हिजो सम्पन्न बोर्ड बैठकले विराटनगर, जनकपुर, काठमाडौं, पोखरा, लुम्बिनी–भैरहवा र फार वेस्टर्नबीच प्रतिस्पर्धा गराउने निर्णय गरेको हो।
६ प्रदेशका टिम समावेश भए पनि कर्णालीको प्रतिनिधित्व गर्ने टिम भने समावेश गरिएको छैन।
नेपाली राष्ट्रिय क्रिकेट टोलीका खेलाडीहरूको तलब १० हजारका दरले बढेको छ । क्यान राष्ट्रिय सम्झौतामा रहेका पुरुष खेलाडीहरूको तलव बढेको हो ।
क्यानले राष्ट्रिय खेलाडीहरुलाई ए, बी र सी ग्रेडमा राखेको छ । सोही अनुसार मासिक पारिश्रमिक दिने गरेको छ ।
क्यानले महिला राष्ट्रिय क्रिकेट टिमको ग्रेड सी मा रहेका खेलाडीहरुको मासिक पारिश्रमिक ५ हजार, बी र ए ग्रेडमा रहेका खेलाडीहरूको मासिक पारिश्रमिक ६ हजारले बढाएको छ ।