- बुधबार, १२ वैशाख, २०८१
दाङ, ३१ वैशाख– दाङको तुलसीपुर उपमहानरका उपमेयर उम्मेदवार सुशील गन्धर्व पक्राउ परेका छन् ।
प्रहरीले खुकुरी प्रहार गरेको आरोपमा गन्धर्वलाई पक्राउ गरेको हो । तुलसीपुर–४ स्थित गन्धर्वको घर नजिकै भएको चुनावी झडपमा उनले खुकुरी प्रहार गरेको आरोप छ ।
इलाका प्रहरी कार्यालय तुलसीपुरका प्रहरी नायब उपरीक्षक श्यामु अर्यालले खुकुरी प्रहारबाट ४ जना घाइते भएको बताए ।
मतदान सकिएको केही समयपछि मदिरा सेवन गरेका गन्धर्व समूहले अर्को समूहमाथि खुकुरी प्रहार गरेको प्रहरीको भनाइ छ ।
मतदानका बेला गन्धर्वका छोरा सुमन गन्धर्व र अरु दलका युवाबीच विवाद भएको थियो ।
राति ९ बजेतिर सुमनलाई दिउँसो विवाद गर्ने युवाको समूहले कुटपिट गरेपछि सुशील खुकुरी बोकेर गएका थिए । उनले छोरामाथि कुटपिट गर्नेलाई खुकुरी हानेको प्रहरीको प्रारम्भिक अनुसन्धानबाट देखिएको छ ।
