काठमाण्डु, ११ माघ– नेपालले मैत्रीपूर्ण फुटबल खेलमा मरिससलाई हराएको छ ।
दशरथ रङ्गशालामा शनिबार भएको खेलमा नेपालले अफ्रिकी मुलुक मरिससलाई १–० गोल अन्तरले हराएको हो ।
नेपालको जितमा खेलको ५४औँ मिनेटमा विमल घर्तीमगरले गरेको गोल नै निर्णायक बन्यो ।
मरिसससामु घरेलु मैदानमा आक्रामक रुपमा प्रस्तुत भएको नेपालले गोल गर्ने केही मौका गुमाएको थियो । नेपाल र मौरिससबीचको दोश्रो मैत्रीपूर्ण खेल आगामी मंगलबार हुनेछ ।