नेपालगञ्ज, २६ वैशाख– बाँकेमा कोरोना संक्रमणबाट थप पाँच जनाको ज्यान गएको छ ।
मृत्यु हुनेमा एक महिला र चार पुरुष छन् । नेपालगञ्ज उपमहानगरपालिका–१५ का ७३ वर्षीय पुरुष, सोही ठाउँकी ५३ वर्षीया महिला, नेपालगञ्ज–११ का ४३ वर्षीय पुरुष, कैलाली लुम्की चुहा–१ का ४३ वर्षीय पुरुष र दाङको तुलसीपुर नगरपालिका– ६ का ४१ वर्षीय पुरुषको मृत्यु भएको हो ।
उनीहरुको नेपालगञ्ज मेडिकल कलेज र भेरी अस्पतालमा उपचार भइरहेको थियो ।