मकवानपुर, २५ वैशाख– मकवानपुरको हेटौंडा उपमहानगरपालिका-१७ दियालो दमारमा एक युवाले वयोवृद्ध हजुरआमाको हत्या गरेका छन् ।
२२ वर्षीय आकाश गुरुङले हजुरआमा ९० वर्षीया कान्छीमाया गुरुङको हत्या गरेका हुन् । आकाशलाई प्रहरीले पक्राउ गरेको छ । मकवानपुर प्रहरीका अनुसार घरायसी विवादमा आकाशले शुक्रबार साँझ हजुरआमालाई बन्चरो प्रहार गरेका थिए ।
गम्भीर घाइते भएकी कान्छीमायाको जिल्ला अस्पताल हेटौंडामा उपचारका क्रममा ज्यान गएको हो ।