काठमाण्डु, १६ वैशाख– काठमाण्डु उपत्यकामा निषेधाज्ञा लागू भएको पहिलो दिन बिहीबार सेयर बजार मापक नेप्से उकालो लागेको छ ।
साताको अन्तिम दिन नेप्सेमा २५.८२ अंकले वृद्धि भएको हो । ४ अर्ब ३५ करोड ७० लाख १९ हजार बढीको ८ लाख १८ हजार कित्ता सेयर खरिदबिक्री हुँदा समग्रमा नेप्से एक प्रशितले बढेको छ ।
होटल तथा पर्यटन र लगानी समूहबाहेक सबै उपसमूहमा हरियाली छाएको छ । सिंगटी हाइड्रो पावर र महिला लघुवित्तको सेयर सकारात्मक सर्किट लेभलमा कारोबार भएको छ ।