- मंगलबार, २४ असार, २०८२
सर्लाही, १ चैत– सर्लाहीमा दाजुको मोटरसाइकल जलाएको आरोपमा भाई पक्राउ परेका छन् ।
जिल्लाको ईश्वरपुर नगरपालिका(६ बयलबासका ऐसान अन्सारीलाई मोटरसाइकल जलाएको आरोपमा प्रहरीले पक्राउ गरेको हो । ऐसानमाथि ठूलो बुबाका छोरा (दाजु) मुस्तुफा अन्सारीको पल्सर मोटरसाइकल जलाएको आरोप छ ।
ऐलानले घरमा राखेको प्र२(०३(०१२ प २६०३ नम्बरको मोटरसाइकल शुक्रबार राति चोरेर स्थानीय नारायण माविको चौरमा लगी मोटरसाइकलमा आगो लगाइदिएका थिए । सर्लाही प्रहरीका प्रवक्ता प्रहरी नायब उपरीक्षक मदन कुँवरले मोटरसाइकल जलेर पूर्ण रुपमा नष्ट भएको जानकारी दिए ।
कुँवरले अनुसार ऐसानले मोटरसाइकल आफूले जलाएको स्वीकार गरेका छन् । मुस्तुफासँगको व्यक्तिगत रिसीइबीका कारण आफूले मोटरसाइकल जलाइदिएको उनको भनाइ छ ।
