- बिहीबार, १९ असार, २०८२
काठमाण्डु, १४ पुस– नेकपाका वरिष्ठ नेता झलनाथ खनालले प्रधानमन्त्री केपी ओलीले पार्टीलाई सत्तामा जाने भ¥याङका रुपमा उपयोग मात्र गरेको आरोप लगाएका छन् ।
प्रचण्ड–माधव नेपाल पक्षले ओलीको संसद विघटन गर्ने कदमविरुद्ध राजधानीमा गरेको सभालाई सम्बोधन गर्दै खनालले बालुवाटार पसेकै दिनदेखि ओलीले पार्टी बिर्सिएको टिप्पणी गरे । खनालले मन्त्रिपरिषद गठनदेखि नै एकलौटी गरेका ओलीले हरेक निर्णयमा पार्टीलाई छलेको आरोप लगाए ।
खनालले ओलीले सरकारमा बसेर जनताका पक्षमा काम नगरेको भन्दै आक्रोश पोखे । आफूहरुले सरकारका काम प्रभावकारी नभएकोबारे प्रश्न उठाउँदा चकित पर्ने गरी विकास भएको झुठा विवरण सुनाएको स्मरण खनालले गरे ।
‘उहाँले कहिले पानी जहाजको, कहिले घरघरमा ग्याँस पाइपको कुरा गर्नुभयो’, खनालले प्रश्न गरे, ‘खोइ पानी जहाज ? खोइ घरघरमा ग्याँसको पाइप ?’ खनालले पछिल्लो समय विकास गरेको दाबी गर्दा रानीपोखरी बनाएको उदाहरण दिने गरेको भन्दै उनले ब्यांग्य गरे ।
ओलीले नागेन्द्रप्रसाद रिजाल र मरिचमानसिंह श्रेष्ठले जति पनि काम गर्न नसकेको उनको भनाइ थियो ।
