विप्लवको नेपाल बन्दः सडकमा बन्दकर्ता छैनन्, तर जनजीवन प्रभावित

काठमाण्डु, १० असार– आफ्ना सर्लाही इन्चार्ज कुमार पौडेल हत्याको विरोधमा प्रतिबन्धित नेत्रविक्रम चन्द ‘विप्लव’ नेतृत्वको नेकपाले आह्वान

गरेको नेपाल बन्दका कारण राजधानीसहित मुलुकभरको जनजीवन प्रभावित भएको छ ।

काठमाण्डु उपत्यकाका सडकमा सार्वजनिक सवारी साधन फाट्टफुट्ट मात्र चलेका छन् । निजी सवारी भने केही मात्रामा चलेको देखिन्छ । बजार, शिक्षण संस्था र कलकारखाना ठप्प छन् । यद्यपि बिहानको तुलनामा क्रमशः सवारी साधनको चाप बढ्दै गएको महानगरीय ट्राफिक प्रहरी महाशाखाले जनाएको छ । तर, उपत्यकाबाट बाहिरिने सवारी साधन भने चलेका छैनन् । यद्यपि सडकमा बन्दकर्ता भने देखिएका छैनन् । पौडेलको गत ५ असारमा मलंगवामा प्रहरीको गोलीमाट मारिएका थिए । प्रहरीले दोहोरो भिडन्तमा पौडेल मारिएको दाबी गरेको छ । तर, उनका परिवार र विप्लव समूहले भने पक्राउ गरी हत्या गरेको आरोप लगाएको छ । संसदको राज्य व्यवस्था तथा सुशासन समितिले समेत प्रहरीले दाबी गरेजस्तो पौडेलको मृत्यु मुठभेडमा नभई पक्राउ गरी हत्या गरेको आशंका गर्दै छानबिन गर्न सरकारलाई सोमबार निर्देशन दिएको थियो ।