- बिहीबार, १९ असार, २०८२
काठमाण्डु, २४ जेठ – जल तथा मौसम पूर्वानुमान महाशाखाले आज पनि हावहुरीको सम्भावना रहेको जनाएको छ । विभागले हावाहुरी र मेघगर्जनसहित पानी पर्ने बताएको छ ।
मौसमविद् विभूति पोखरेलका अनुसार आज काठमाण्डु उपत्यकासहित मध्य र पूर्वी क्षेत्रमा मौसम बदली हुने देखिएको छ । अपराह्नपछि बदली भई वर्षा हुने र हावाहुरीसमेत आउने सम्भावना छ ।
यसैकारण खासगरी कालो घना बादल लागेका क्षेत्रका बासिन्दाले सावधानी अपनाएकै राम्रो हुने मौसमविद् पोखरेलको सुझाव छ ।
यस्तो विभागद्वारा जारी बुलेटिन:
जेष्ठ २४ गते (शुक्रबार):
दिउँसो: देशका पूर्वी भूभागमा सामान्य वदली रहने र मध्य र पश्चिमी भू–भागका आंशिक देखि सामान्य वदली रही पश्चिमी भू–भागका थोरै स्थानहरु र मध्य तथा पुर्वी भू–भागका केही स्थानहरुमा हावाहुरी मेघ गर्जन सहित वर्षाको सम्भावना । देशका उच्च हिमाली भेगका केहि स्थानहरुमा हल्का हिमपातको संभावना छ ।
राति: देशका पूर्वी र मध्य भू–भागमा सामान्य वदली रहने र पश्चिमी भू–भागका स्थानहरूमा आंशिक वदली रही मध्य तथा पुर्वी भू–भागका केहि स्थानहरुमा र पश्चिमी भू–भागका थोेरै स्थानमा मेघ गर्जन हावाहुरीसहित वर्षाको सम्भावना छ ।
जेष्ठ २५ गते (शनिवार):
दिउँसो: देशका पूर्वी तथा मध्य भू–भागमा सामान्य वदली रहने र पश्चिमी भू भागका स्थानहरूमा आंशिक देखि सामान्य वदली रही पश्चिमी पहाडी भू–भागका थोरै स्थानहरु र मध्य तथा पुर्वी भू–भागका केही स्थानहरुमा मेघ गर्जन सहित वर्षाको सम्भावना छ ।
राति: देशका अधिकांश स्थानहरूमा आंशिक देखि सामान्य वदली रही पश्चिमी पहाडी भू–भागका थोरै स्थानहरुमा र मध्य तथा पूर्वी भू–भागका केही स्थानहरुमा मेघ गर्जन सहित वर्षाको सम्भावना छ ।
जेठ २६ गते (आईतवार)
दिउँसो: देशका पूर्वी तथा मध्य भू–भागमा सामान्य वदली रहने र पश्चिमी भू–भागका स्थानहरूमा आंशिक देखि सामान्य वदली रही पश्चिमी पहाडी भू–भागका थोरै स्थानहरु र मध्य तथा पुर्वी भू–भागका केही स्थानहरुमा मेघ गर्जन सहित वर्षाको सम्भावना छ ।
राति: देशका अधिकांश स्थानहरूमा आंशिक देखि सामान्य वदली रही पश्चिमी पहाडी भू–भागका थोरै स्थानहरुमा र मध्य तथा पुर्वी भू–भागका केही स्थानहरुमा मेघ गर्जन सहित वर्षाको सम्भावना छ ।
