- शुक्रबार, २२ जेठ, २०८३
एजेन्सी – भारतीय वायुसेनाका फाइटर विमानहरूले पाकिस्तान अधिनस्थ कास्मिरमा गरेको बम आक्रमणको भारतीय कलाकाहरूले स्वागत गरेका छन् ।
मंगलबार बिहान ३ः३० बजे भएको आक्रमणमा आतंककारीको अखडा ध्वस्त भएको र करिब तीन सय आतंककारी मारिएको बताइएको छ ।
उक्त आक्रमणको बलिउड कलाकारहरू अभिनेता अजय देवगण, अभिषेक बच्चन, परेश रावल, मल्लिका शेरावत, विवेक ओवराय, गायक कैलाश खेरलगायतले समर्थन गर्दै स्वागत गरेका हुन् ।
सुरक्षा स्रोतहरूलाई उद्धृत गर्दै इण्डिया टुडेले जनाएअनुसार भारतको मिराज फाइटर जेटले पाकिस्तान अधिनस्थ क्षेत्रमा आक्रमण गरी ठूलो आतंकवादी शिविर नष्ट गरेको छ ।
भारतीय वायुसेनाको फाइटर जेटले बिहान मंगलबार बिहान ३ः३० बजे सिमारेखा पार गरेको थियो । मिराज २००० सहितका लडाकु विमानहरू पाकिस्तान अधिनस्थ क्षेत्रमा प्रवेश गरी आतंककारी शिवरमा १००० किलो बम खसालेका थिए ।
