- शुक्रबार, २२ जेठ, २०८३
एजेन्सी – तेलेगु टिभी सिरयिल अभिनेत्री नागा झाँसीले आत्महत्या गरेकी छिन् । २१ वर्षकी नागा झाँसीको शव बुधबार श्रीनगर कोलोनीस्थित आफ्नै फ्ल्याटमा झुण्डिएको अवस्थामा भेटिएको हो ।
उनले घरमा कोही पनि नभएको मौका पारेर आत्महत्या गरेको बताइएको छ । उनका भाइ दुर्गाप्रसादले ढोका ढक्ढकाउँदा भित्रबाट कसैले पनि केही प्रतिक्रिया नदिएपछि डराएका उनले छिमेकीलाई बोलाएर ढोका फोडेको बताइएको छ । भित्र छिर्ने बित्तिकै उनको शव पङ्खामा झुण्डिएको अवस्थामा भेटिएको भारतीय संचारमाध्यम टाइम्स नाउले बताएको छ ।
पुलिसले झाँसीको मोबाइलको अनुसन्धान सुरु गरेको र पुलिसले कल डिटेल र च्याट रेकर्डको पनि अनुसन्धान थालेको जानकारी दिएको छ । आन्ध्र प्रदेशमा बस्ने झाँसीले ‘पवित्र बन्धन’ बाहेक विभिन्न टेलिभिजन श्रृङ्खलामा काम गरेकी थिइन् ।
