- शनिबार, १९ असोज, २०८१
एजेन्सी, १२, पुस– फुटबल जगतमा डिएगो म्यारोडोना जति चर्चित छन्, त्यतिकै विवादास्पद पनि । सन्की र मुडी स्वभावका कारण म्यारोडोना अन्य फुटबलरभन्दा चर्चामा आउने गर्दछन् । ब्रिटिस मिडियाले म्यारोडोनाको नयाँ स्क्यान्डल पर्दाफास गरेका छन् ।
म्यारोडोनाले ३१ वर्षीया प्रेमिका ओलिभाको मोबाइल टुक्रा पारेको र त्यसपछि प्रेमिका पिटेको ब्रिटिस मिडियाले खुलासा गरेका छन् ।
मिडियाका अनुसार गत महिना राजधानी ब्युनर्स आयर्सको एक होटेलमा म्यारोडोनाले प्रमिका कुटेका थिए ।
एक कार्यक्रममा सहभागी भएपछि यो जोडीइ रात बिताउन होटेल पुगेको थियो । लामो यात्राको थकान मेटाउन म्यारोडोना फ्रेस हुन शौचालय गए । यता प्रेमिका ओलिभा मोबाइल चलाउन केन्द्रित थिइन् ।
ओलिभाले प्रेम तत्काल फ्रेस नहुने अनुमान लगाइन । यसैको फाइदा उठाउँदै ओलिभाले आफ्नो मोबाइलमा अत्यन्त गोप्य भिडियो हेर्न थालिन । उनी यतिसम्म मोबाइलमा रमाइन कि आफूपछाडि म्यारोडोना उभिइरहेको समेत चाल नै पाइनन् । र, म्यारोडोनाले पनि भिडियो क्लिप सुटुक्क हेरे । यसबीच म्यारोडोनाले ओलिभासँग केही प्रश्न राखे ।
बारम्बार जवाफ नफर्काउँदा आफ्नो अपमान भएकोे ठान्दै म्यारोडोनाले ओलिभाको मोबाइल खोसेर सोफामा हुत्याए । मोबाइल कार्पेटमा टुक्रा भएको देख्दा ओलिभा जवाफविहीन भइन् । त्यतिले पनि म्यारोडोनाको रिस थामिएन । उनले सोफामा बसेकी प्रेमिकालाई एक मुक्का बर्साए ।
नयाँ पत्रिका दैनिकबाट
