- मंगलबार, ३० वैशाख, २०८२
बनेपा, १० पुस–काभ्रेपलाञ्चोकको बनेपामा झन्डै १० करोडको लागतमा सुविधा सम्पन्न होटल सञ्चालनमा आउने भएको छ ।
बनेपाका युवा व्यवसायी तथा उद्योग वाणिज्य सङ्घ काभ्रेपलाञ्चोकका अध्यक्ष शुरकृष्ण वैद्यको पहलमा सञ्चालनमा आउन लागेको सो होटेल बनेपा नगरपालिका वडा नं ६ मा स्थापना हुने छ ।
आगामी २० दिनभित्रमा करिब ४० प्रतिशत सेयर सङ्कलन गरिसक्ने व्यवसायी वैद्यले बताए ।
होटेलकालागि झन्डै दुई सय जनाको पाँच लाखदेखि १० लाखसम्मको सेयर हुनेछ । तर होटलको नाम भने अझै निश्चित गरिएको छैन ।
तीन तारे होटलको स्वरूपमा सञ्चालनमा आउने सो होटेल एक वर्ष चार महिनाको अवधिमा भौतिक पूर्वाधारको काम सम्पन्न गर्ने लक्ष्य राखिएको छ ।
व्यापारिक नगर बनेपामा स्थापना हुने सो होटेलका लागि अरनिको राजमार्गसँग जोडिएको बनेपामा २७ आना क्षेत्रफलको जग्गासमेत लिइएको छ । रासस
