- शनिबार, १९ असोज, २०८१
एजेन्सी, ७ पुस– अमेरिकी राष्ट्रपति बाराक ओबामा र पत्नी मिसेल ओबामाको जीवनीमा आधारित चलचित्र निर्माण हुने भएको छ । चलचित्रमा उनीहरुको प्रेमप्रसंग, रोमान्स, विवाह र राष्ट्रपति बन्दासम्मको यात्रालाई समेटिने बताइएको छ ।
होमग्राउन्ड प्रोडक्सन हाउस नामक निर्माण कम्पनीले बनाउन लागेको यस चलचित्रलाई ‘साउथ साइड विद यु’ नाम दिइएको छ । ओबामा दम्पतीको जीवनका महत्त्वपूर्ण घटनालाई चलचित्रले चित्रण गरिने बताएको छ ।
सन् २०१५ को जुनदेखि अमेरिकाको सिकागोमा छायांकन गरिने चलचित्रमा मिसेलको भूमिकामा नायिका टीका सुमन्टर अनुबन्धित भएकी छन् भने ओबामाको भूमिकाका लागि नायकको खोजी भइरहेको बताइएको छ ।
बाराक र मिसेल सन् १९८१ मा पहिलोपटक भेटेका थिए । तीन वर्ष लामो प्रेमलाई साकार बनाउँदै विवाह गरेका उनीहरुका दुई छोराछोरी छन् ।
अन्नपूर्णपोस्ट दैनिकबाट
