- मंगलबार, ४ चैत, २०८१
सोलुुखुम्बु, ३ पुस–सोलुखुम्बु जिल्लाको केरुङ गाविसमा सञ्चालित तीनमहिने सिलाइबुनाइसम्बन्धी तालिमबाट डेढ सयले तालिम लिई उद्यमी बनेका छन् ।
घरेलु तथा साना उद्योग विकास समितिको सहयोगमा ग्रामीण बिजनेस प्रमोसन प्रा.लि. रामेछाप र ग्रामीण प्रबद्र्धन केन्द्र नुवाकोटको आयोजनामा सञ्चालित उक्त तालिममा एक सय ५१ जना महिला उद्यमी तयार भएको जनाइएको छ ।
केरुङको आङपाङ गाविसस्थित सञ्चालित तालिममा सहभागीले तीन महिनासम्म आफूले उद्यमशील तालिम पाएको भन्दै जीविकोपार्जनमा अरूको मुख ताक्नु नपर्ने बताएका छन् ।
यसैबीच घरेलु तथा साना उद्योग विकास समितिले यसअघि सञ्चालित आलु चिप्स तालिमबाट उत्पादन भएका लघु उद्यमीलाई आलुचिप्स बनाउने मेसिनसमेत उपलब्ध गराएको छ । रासस
