- शनिबार, ३ जेठ, २०८२
काठमाण्डु, २३ मंसिर– एकीकृत माओवादीका दिवंगत उपाध्यक्ष पोष्टबहादुर बोगटीको स्मृतिमा अन्तर्राष्ट्रिय स्तरको कराँते र किक बक्सिङ 
प्रतियोगिता हुने भएको छ ।
कठमाण्डुको गोंगबुमा रहेको ‘कराँते र किक बक्सिङ कम्ब्याट मार्सल आर्ट क्लबको आयोजनामा प्रतियोगिता हुन लागेको हो ।
आगामी पुस ४ र ५ गते नयाँबजारस्थित मार्सल आर्ट हलमा हुने प्रतियोगितामा नेपालसहित भारत, श्रीलंका, जापानका गरी एक सय ५० खेलाडीले भाग लिने क्लबका प्रमुख प्रशिक्षक रणबहादुर बोगटीले जानकारी दिए ।
‘प्रथम पोष्टबहादुर स्मृति कप अन्तर्राष्ट्रिय कराँते/किक बक्सिङ प्रतियोगिता’ नाम दिइएको उक्त प्रतियोगितामा २१ वर्ष मुनिका खेलाडी सहभागी हुने बोगटीले बताए ।
