- शनिबार, ३ जेठ, २०८२
काठमाण्डु, १८ मंसिर– एसियाली फुटबल महासंघ (एएफसी) ले एएफसी यू– २३ च्याम्पियनसिप छनोट खेलको समूह विभाजन गरेको छ ।
मलेसियाको क्वालालम्पुरस्थित एएफसी मुख्यालयमा बिहीबार सार्वजनिक गरिएको समूह विभाजनअनुसार नेपाल समूह ‘सी’ मा परेको छ।
समूह ‘सी’ को छनोट खेल आगामी मार्च २३ देखि ३१ तारिखसम्म इरानमा हुनेछ । नेपालको समूहमा आयोजक इरान, प्यालेस्टाइन, साविक उपविजेता साउदी अरेबिया र अफगानिस्तान छन् ।
छनोट खेलमा एसियाका ४४ देशले सहभागिता जनाउने भएका छन् । सहभागी टोलीलाई १० समूहमा विभाजन गरिएको छ ।
