- आइतबार, ४ जेठ, २०८२
काठमाण्डु, १८ मंसिर– संविधानसभामा पठाउने प्रतिवेदनबारे छलफल गर्न बालुवाटारमा बिहीबार बिहान बसेको प्रमुख तीन दलका शीर्ष नेताको बैठक बिनानिष्कर्ष सकिएपछि संवैधानिक–राजनीतिक संवाद तथा सहमति समितिका सभापति बाबुराम भट्टराई झापा गएका छन् ।
दमकमा हुने भट्टराईहरुको कुल पूजामा सहभागी हुन भट्टराई त्यता गएका हुन् ।
प्रमुख तीन दल काँग्रेस, एमाले र एमाओवादीका शीर्ष नेताको बुधबारको बैठकले भट्टराईलाई पार्टी सोचबाट माथि उठेर स्वविवेक प्रयोग गरी संविधानसभामा प्रतिवेदन पठाउने जिम्मेवारी दिएको थियो ।
भट्टराईले दलहरुबीचको सहमति खल्बलिन नदिन सचेत रहेको भन्दै आफू नियमावली र दलीय सहमतिका आधारमा अघि बढ्ने बताएका छन् ।
भट्टराईकै पहलमा सभाध्यक्ष सुवास नेम्वाङको उपस्थितिमा तीन दलका शीर्ष नेताको बैठक बसेको थियो ।
तर छलफल निर्णयमा नपुग्दै एमाले अध्यक्ष केपी ओली र सभाध्यक्ष नेम्वाङ इलाम जानु छ भन्दै हिंडेपछि भट्टराई पनि कुलपूजातिर लागेका हुन् ।
