इलाम, १४ कात्तिक– अञ्चल प्रहरी कार्यालय झापाको विशेष टोलीले इलामको पशुपतिनगर–मानेभञ्ज्याङ इलाकाबाट करिब तीन लाख मूल्य बराबरका अवैध सामग्री बरामद गरेको छ ।
पशुपतिनगर नाकाबाट नेपाल भित्रयाउन लागिएको दुई लाख ८६ हजार १९० बराबरको चुरोट र लत्ताकपडा बरामद भएको हो ।
बरामद गरिएका सामग्री भन्सार कार्यालय पशुपतिनगरमा बुझाइएको जिल्ला प्रहरी कार्यालय इलामका निरीक्षक पदम थपलियाले जानकारी दिए ।
रासस