नवलपरासी, १२ असोज–आफ्नै साथीको अपहरणमा परेका भैरहवाका मेनपावर सञ्चालक आकाश गुरुङको फिरौती तिर्न नसकेका कारण १५ दिनपछि नवलपरासीमा विभत्स हत्या भएको छ ।
शनिवार दिउँसो उनको शव बर्दघाट नगरपालिका–१० स्थित सामुदायिक वनमा फेला परेको हो । अपहरणकारीले गुरुङसँग एक करोड नगद रुपैयाँ माग गरेका थिए । त्यति रकम नपाएको १५ दिनपछि उनको शब जंगलमा भेटिएको हो ।
नचिनिने अवस्थाको शवका बारेमा जंगलमा काम गर्न गएका स्थानीयले प्रहरीमा जानकारी गराएका थिए ।
उनले लगाएको पहिरनका आधारमा मृतकको पहिचान खुलेको अनुसन्धानमा खटिएका डिएसपी हेमकुमार थापाले जानकारी दिए ।