- बिहीबार, ३ जेठ, २०८१
काठमाण्डु, २२ भदौ– नेपालले १६ वर्ष मुनिको एएफसी च्याम्पियनसिपमा नेपालले डिफेन्डिङ च्याम्पियन उज्वेकिस्तानलाई बराबरीमा रोकेको छ ।
बैंककमा भएको आफ्नो पहिलो खेलमा खेलको अतिरिक्त समयमा किरण सुनारले गरेको गोलको मद्धतमा नेपालले उज्वेकिस्तानलाई बराबरीमा रोकेको हो ।
उज्वेकिस्तान समूह चरणको सबैभन्दा राम्रो मानिएको टोली हो । खेलमा उज्वेकिस्तानले ५३ औं मिनेटमा पेनाल्टीमार्फत एक गोल गर्दै अग्रता लिएको थियो ।
थाइल्याण्डको मुवाङ थोङ रंगशालामा भएको खेलमा नेपाल नियमित कप्तान विमल घर्तीमगरबिना मैदान उत्रिएको थियो । छनोट चरणमा पाएको दुई वटा पहेँलो कार्डका कारण विमलले उज्वेकिस्तानविरुद्धको खेल गुमाएका हुन् । खेलको सुरुबाटै उज्वेकिस्तानले नेपाली टोलीलाई दबाबमा राखेको थियो ।
