काठमाण्डु, ६ भदौ– सरकारले मलेसियामा सम्पन्न एसीसी यू– १६ प्रिमियर क्रिकेटको उपाधि विजेता नेपाली टोलीका सदस्यहरुलाई प्रोत्साहनस्वरुप जनही ५० हजार दिने भएको छ ।
विजेता टोलीको सम्मानमा नेपाल क्रिकेट संघ ‘क्यान’ ले शुक्रबार राजधानीमा गरेको कार्यक्रममा युवा तथा खेलकुदमन्त्री पुरुषोत्तम पौडेलले उक्त पुरस्कार घोषणा गरेका हुन् । यसअघि क्यानले नेपाली युवा टोलीका प्रत्येक खेलाडीलाई २० हजार दिने घोषणा गरिसकेको छ ।
मलेसियामा भएको फाइनल खेलमा नेपालले मलेसियालाई ३२ रनले हराएको थियो ।