- सोमबार, १७ वैशाख, २०८१
काठमाण्डु, २८ साउन– दक्षिण कोरियाको इन्चोनमा हुने १७ औं एसियाली खेलकुद अन्र्तगत क्रिकेट टोलीको लागि आजदेखि राजधानीमा बन्द 
प्रशिक्षण शुरु हुदै छ ।
प्रशिक्षणमा १९ सदस्यीय प्रारम्भिक टोली सहभागि हुने नेपाल क्रिकेटसंघ क्यानले जनाएको छ । यसैबीच राष्ट्रिय क्रिकेट टोलीका भेट्रान स्पिनर राजकुमार प्रधान बन्द प्रशिक्षण छाडेर फेरि विदेश गएका छन् ।
प्रारंम्भिक टोलीमा राजकुमारको नाम पनि छ । वैदेशिक रोजगारीका लागि राजकुमार शुक्रबार नै जापान गएको बुझिएको छ ।
प्रधानले क्रिकेट संघ र नेपाली राष्ट्रिय क्रिकेट टिमका कप्तान पारस खड्कालाई आफू व्यक्तिगत कारणले क्याम्पमा आउन नसकेको जनाएका थिए ।
३८ वर्षे राजकुमार तीनपटक वैदेशिक रोजगारीका लागि कतार गएर लामो बसाइपश्चात स्वदेश फर्किएर पुन: राष्ट्रिय टोलीमा पुनरागमन गर्न सफल भएका थिए ।
सन् २००० मा दोस्रोपटक कतार गएर फर्किएपछि २००१ मा क्यानडामा भएको आईसीसी ट्रफीमा उनलाई पहिलोपटक राष्ट्रिय टोलीमा राखिएको थियो ।
