- सोमबार, १७ वैशाख, २०८१
काठमाण्डु , १५ साउन – भारत विरुद्धको तेस्रो टेष्ट क्रिकेटमा इंग्ल्याण्ड विशाल अन्तरले विजयी भएको छ ।
भारतलाई २ सय ६६ रनले हराउँदै इंग्ल्याण्डले पाँच टेष्टको श्रृङ्खला १–१ को बराबरीमा पुर्याएको छ ।
इंग्ल्याण्डले दिएको ४ सय ४५ रनको लक्ष्य पछ्याएको भारत १ सय ७८ रनमा सीमित भयो ।
अन्तिम दिन विहीबार ४ विकेटको क्षतिमा १ सय १२ रनबाट खेल थालेको भारतले थप ६६ रन मात्रै बनाउन सक्यो । उसका लागि अजिन्क्य रहाणेले नटआउट ५२ रन बनाउनु बाहेक अरुले राम्रो प्रदर्शन गर्न सकेनन् ।
इंग्ल्याण्डलाई विशाल रनको अन्तरले जिताउने क्रममा मोइन अलीले सर्वाधिक ६ विकेट लिए ।
इंग्ल्याण्डले पहिलो पारीमा ५ सय ६९ र दोस्रो पारीमा २ सय ५ रन बनाएको थियो । दुई देशबीचको पहिलो टेष्ट बराबरीमा सकिएको थियो भने दोस्रो टेस्ट भारतले जितेको थियो ।
