- मंगलबार, ११ वैशाख, २०८१
काठमाण्डु, १४ जेठ– अमेरिकाले सक्रिय गतिविधि नगर्ने सर्तमा ९ हजार ८ सय सेना अफगानिस्तानमा कायम राख्न पहल सुरु गरेको छ ।
अफगानी सेनालाई युद्ध अभ्यास गराउन र असजिला परिस्थितिमा मात्र सहयोग गर्नेगरी सैनिक कामय राख्ने विषयमा अमेरिकी राष्ट्रपति बाराक ओबामाले पहल थालेका हुन् ।
अफगानिस्तानले अमेरिकी सेना तत्काल आफ्नो देशबाट फिर्ता गर्न दबाब दिईरहेको बेला ओबामाले यस्तो प्रस्ताव अघि सारेका हुन् । उनले अमेरिकी सेनाले सक्रिय सैन्य गतिविध नगर्ने र अफगानी सेनाको सहयोगीको रुपमा मात्र रहने प्रस्ताव गरेका छन् ।
सन् २०१६ सम्म भने बाँकी सबै सेनालाई पनि स्वदेश लैजाने अमेरिकाको प्रस्ताव छ । तर, अमेरिकाले यसअघि गरेको प्रस्तावलाई अफगान राष्ट्रपति हमिद कारजाईले अस्वीकार गरेका थिए ।
