- आइतबार, १ असार, २०८२
काठमाण्डु, ९ बैशाख – नेपाल सरकारलाई पश्चिम क्षेत्रको लघु जलविद्युत् आयोजनाको पुनःस्थापनाका लागि करिब एक अर्ब ४७ करोड ५० लाख अनुदान सहयोग गर्न जापान सरकार सहमत भएको छ ।
जापानी सहयोग नियोग (जाइका)मार्फत गरिने सो अनुदानबाट आयोजनाका काम नलाग्ने उपकरण मर्मत गरेर जलविद्युत् उत्पादनमा गरी त्यस क्षेत्रका जनताको जीवनस्तर सुधार्न सहयोग पुग्ने विश्वास लिइएको छ ।
अर्थ मन्त्रालयमा आज आयोजित कार्यक्रममा अर्थ सचिव युवराज भुसाल र नेपालका लागि जापानी राजदूत मासाशी ओगावाले उक्त सहायता पत्रमा हस्ताक्षर गरे ।
यस सहयोगबाट बझाङको २३० किलोवाटको जलविद्युत् आयोजना, बाजुराको २२८ किलोवाटको जलविद्युत् आयोजना र रुकुमको स्यार्पु डाँडा जलविद्युत् आयोजनाको पुनःस्थापना गरिनेछ ।
