- मंगलबार, ११ चैत, २०८१
काठमाण्डु, ९ चैत– नेकपा–माओवादीका उपाध्यक्ष सिपी गजुरेलले आफूले नेपाली राष्ट्रिय टिमको अपमान हुने गरी अभिव्यक्ति 
नदिएको दाबी गरेका छन् ।
आइतबार एक प्रेस विज्ञप्ति जारी गर्दै गजुरेलले आफूले क्रिकेट खेल र नेपाली टोलीको सम्मान गर्ने बताएका छन् । उनले विज्ञप्ति आफूले बोलेका कुरा नबुझेर सञ्चार माध्यमले उल्टो प्रचार गरेको आरोप लगाएका छन् ।
राजधानीमा शनिबार भएको एक कार्यक्रममा गजुरेलले मुलुक क्रिकेटले नभई राजनीतिले चलाउने भन्दै क्रिकेटले विक्रिती फैलाएको विवादास्पद अभिव्यक्ति दिएका थिए ।
‘मैले बोल्दा बंगलादेशमा जारी टी ट्वेन्टी वल्र्डकप क्रिकेटमा राम्रो प्रदर्शन गरेको नेपाली टीमलाई बधाई दिएको थिएँ’, गजुरेलले विज्ञप्तिमा अगाडि भनेका छन्, ‘उहाँहरुको अपमान हुने कुनै कुरा बोलेको छैन ।’
उनले राजनीतिमा विद्यमान विक्रितिलाई बोलेको विषयलाई क्रिकेटसँग जोडेर कूप्रचार गर्ने गलत प्रयास भएको उनको भनाइ छ । त्यस्तो लगत प्रचारबाट नेपाली क्रिकेट खेलाडी र क्रिकेटप्रेमीमा पर्न गएको चोटप्रति आफू अत्यन्त दु:खी भएको विज्ञप्तिमा उल्लेख छ ।
