- शुक्रबार, ७ चैत, २०८१
काठमाण्डु, ५ चैत –उपत्यका बन्द गराउन सडकमा उत्रिएका बिद्यार्थीले काठमाण्डुमा सवारी साधनमा आगजनी तथा तोडफोड गरेका छन् ।
मुल्यवृद्धिको बिरोधमा सडक आन्दोलनमा रहेका १५ बिद्यार्थी संगठनका कार्यकर्ताले काठमाण्डुको पुरानो बसपार्कमा एउटा बसमा आगजनी गरेका छन् ।
प्रहरीका अनुसार बा. २ .ख ८७९ नम्बरको बसमा आगजनी गरिएको हो । त्यस्तै खरिवोटमा बिद्यार्थीले ट्याक्सीमाथि आगजनी तथा तोडफोड गरेको प्रहरीले जनाएको छ ।
बा.१.ज २५५० नम्बरको ट्याक्सीमा बिद्यार्थीले आगो लगाएका हुन् ।
बन्द सफल पार्न सडकमा उत्रिएका बिद्यार्थीलाई प्रहरीले नियन्त्रणमा लिएको छ ।
प्रहरीका अनुसार झण्डै ५० जनालाई नियन्त्रणमा छन् ।
तर अखिल क्रान्तिकारीका उपाध्यक्ष जागृत रायमाझीले ६५ जना बिद्यार्थी पक्राउ गरेको दावी गरेका छन् ।
बिहानैदेखि सडकमा उत्रिएका अखिल क्रान्तिकारी अध्यक्ष हिमाल शर्मासहितलाई प्रहरीले नियन्त्रणमा लिएको हो ।
तस्विरहरु : रासस
